Сұр аспанның көкірегі күркілдеп,

Көкжиектің көз алды тұр іркілдеп.

 Қара бұлтты өңешіне толтырып,

Зеңбіректер от шашады зіркілдеп.

Көңілімді біле жүр күзде менің,

Жанарымда жүреді іздегенім.

Сағынышым сап-сары сарғалдақтай,

Басқа жақтан сен мені  іздемегін.

Келші көктем аймалайын жүзіңнен,

Тамшы жасың кірпігіңнен үзілген.

Бала күндер, балғын түндер, елестер,

Тырналарға қарап тұрсам тізілген.

Өзіңді-өзің жылатпағын, жасқама,

Жүрек сөзі біле білсең бас баға.

Мөлдірімді таптым сенен іздеген,

Ұқсамайтын бұл дүниеде басқаға.