(Баллада)

 Жарамсақтық жаралғалы жарысқан,

Өтірігі һәм шындығы алысқан.

Жолақ-жолақ жолбарыстар мысық боп,

Цириктерде би билейді арыстан .

Толқындар асығып,

Жетеді жағалауға.

Бірі шаттықпенен,

Бірі қайғыменен.

Бірі күрсінуменен,

Бірі бәрін түсінуменен.

Боз шапандай көнеріп тозды күнім,

Тынышы аз ұйқысы азды түнім.

Мұқабасы мүжілген өмір-кітап,

Парағына бір өлең жазды тілім.

Жаралғанда жалын жырлар жақұттан,

Шерім менің  шөлін басқан шабыттан.

Жалғыз шұмақ өлеңменен өмірдің, 

Төсіндегі түймелерін  ағытқам.