Сызылтқан мен де сырнаймын,

Даламды желдей жырлаймын.

Жусаныма да жалғыз түп,

Өлең –жырымды  арнаймын.

Сен маған аппақ таңсың, аңсағаным,

Сен деймін сергітетін таң самалын.

Өзіңді сағынумен күн кешемін,

Басылар сені көрсем шаршағаным.

Тұныққа батып

Аспанға қалқып шыққан мең,

Жырақта жүріп

Жылылық күшін ұқсам мен.

Жолыма менің

Жұлдыздар шамын жаққанда,

Ақ көйлек киіп

Алдымнан күліп шықсаң сен.

Алатаудың басында сеңсең бөрік,

Тұлғасы -- дию батыр, көрсең келіп.

Иығында ақ шапан жамылғаны,

Тізесінде бұлтты алған кемсеңдетіп.