Қара орманға қар түсті,

Келсе де көктем кетпейтін.

Жүрекке мұз боп ой түсті,

Жалғанды қусаң жетпейтін.

Өмірде екі түс бар  ақ пен қара,

Екеуіне әрқашан сақпен қара.

Суретшінің қолында қыл қаламы,

Ақты қара, қараны ақ етер

Аспанда емес,

Жердеміз ғой, жердеміз.

Бірімізден – біріміз,

Асып кетті зердеміз.

Оймен емес,

Тоймен жүрміз жарысып.

Жалықтым:

Жалаңаш жарнамалардан,

Жаңылтқан телеарналардан,

Ойсыз орталардан,

Опасыз ордалардан.