Әбілда Аймақ

Шымкенттік ақын, ұлтымыздың жанашыры, Құрал Көмектің «мен – даланың ұлымын» атты толғау-панорамасы еркін тыныспен, өзіне тән ерекше серпінмен жазылған жаңа жыр. Панорамада ақынның лирикалық кейіпкері – түркі тектес қазақ. 500 жолдан асатын аса ауқымды мәселені көтерген толғау-панорама Қазақ мемлекетінің мәртебесін асқақтатып, жаңа заманның жаңа тарихын толғайды, болашақтың иесі жастарымызды елжандылыққа, ұлтын сүюге, патриоттық тәрбиеге баулиды. Бастан-аяқ үлкен жүрекпен, оптимистік жалындаған сезіммен жырланған толғау-панораманы оқып шыққан кісі, шынында да, өзінің қазақ болып туғанына қуанады. Жалғыз қазақ елінің ғана емес, бұл жыр – бүкіл түркі әлемінің ортақ қазынасына айналғалы тұрған шығарма.

                                                            Әбілда Аймақ,

Жазушылар одағы ОҚО филиалының

директоры, Халықаралық Физули

сыйлығының лауреаты, ақын.